بالصورة بوستر برنامج رامز جلال الجديد رامز ثعلب الصحراء 2012
رامز جلال بقاله كام سنة بيعمل مقالب في كل الفنانين الموجودين في الوسط، والسنة دي قرر إن المقالب تكون بشكل جديد في برنامجه "رامز ثعلب الصحراء" اللي استعان بالفنان عزت أبو عوف عشان تصدق الفنانين بإن البرنامج جد مش مقالب، ونزل برومو البرنامج من كام يوم فيه عدد من الفنانين المعروفين منهم محمد فؤاد وسمية الخشاب وحسن حسني وغسان مطر وحسن الرداد وهاني رمزي وعبدالله مشرف وامينة الفخراني و ميس حمدان واختها مي سليم ونشوي مصطفي و روجينا و ادوارد وعبدالباسط حمودة و سامي العدل و ايمان العاصي وسيرين عبد النور و مها احمد، والمقلب بيبدأ لما عزت ابو عوف يطلب من الفنان إنه يصور معاه حلقة من برنامج جديد بيعمله عن السفر والسياحة، ويتفق معاه علي إن التصوير يكون في الجونة لمدة يوم هناك، والاحداث بتمشي عادي جداً وبشكل طبيعي لحد مايوصل هناك ويقع في عدد من المواقف الصعبة من ابرزها البلطجية اللي بيهاجموا اللوكيشين أكتر من مرة، البرنامج من اعداد عادل عبدالله وعبدالله غلوش واخراج محمد نصير وهيتم عرضه علي قناة الحياة.
اثبت وجودك و اكتب تعليقك على الموضوع
| انشر الموضوع لاصدقائك على الفيس بوك و شارك معاهم |
اشترك فى صفحتنا على الفيس بوك ليصلك كل جديد
